എന്പ്രിയ സ്വപ്നഭൂമിയിലൂടെ
എന്നുമീയാത്ര ഞാന്‍ തുടരുന്നു
ആദിയില്ലന്തമില്ല തളര്‍ച്ചയേതുമില്ല
തുഴഞ്ഞു കേറുമ്പോള്‍
എന്റെയുള്ളില്‍ പതഞ്ഞുകേറുന്ന
മുന്തിരി നീരിന്നെന്തൊരു വീര്യം
ഇന്നലെപ്പോയ്‌മറഞ്ഞവരെല്ലാം
ഇന്നുയിര്‍ത്തെഴുന്നേല്‍ക്കുന്നിതെന്നില്‍
ഇന്നലെ അവര്‍പാടിയ
രാഗസുന്ദര ഗാനങ്ങളെല്ലാം
എന്‍വിപഞ്ചിതന്‍ തന്തികള്‍ തോറും
ഇന്നദൃശ്യപുഷ്പങ്ങളായ് നില്‍പ്പൂ
ഇന്നലെപ്പോയ്‌മറഞ്ഞവരെല്ലാം
ഇന്നുയിര്‍ത്തെഴുന്നേല്‍ക്കുന്നിതെന്നില്‍
ഇന്നലെ അവര്‍പാടിയ
രാഗസുന്ദര ഗാനങ്ങളെല്ലാം
എന്‍വിപഞ്ചിതന്‍ തന്തികള്‍ തോറും
ഇന്നദൃശ്യപുഷ്പങ്ങളായ് നില്‍പ്പൂ
ഒന്ന് കൈവിരല്‍ തൊട്ടാലുളവാം
വരണമാദക മഞ്ചരീലാസ്യം
ഇന്നലെ ഇന്ന് നാളെയുമെല്ലാം
എന്നിലിന്നോരെ ബിന്ദുവായ് നില്‍പ്പൂ
നിര്‍വൃതിയുടെ പിയൂഷമൂറും
നിത്യ നിര്മലമായൊരു ബിന്ദു
ഞാനതിന്റെ അഗാതതലത്തില്‍ താണു
വീണ്ടുമുയര്‍ന്നു നീന്തുന്നു
കാലമാം മഹാ മിഥ്യെ വന്നു കാണ്മു
കാണാത്ത തീരങ്ങള്‍ മുന്നില്‍
എന്പ്രിയ സ്വപ്നഭൂമിയിലൂടെ
എന്നുമീ യാത്ര ഞാന്‍ തുടരുന്നു
